Love Series | Ayeney Ka Adha Rukh by Fariya Turk Episode 1

Read in English (Currently Not Available)

Bechaini me usay kuch smjh ni araha tha k wo kya kry..! abhi kuch din pehly ki hi to baat thi

sb kuch theek tha..!

But achanak se uska ghaib hojana..! Wo bht pareshan tha..!

"kya krna chahiye? han ek rasta hy" wo apny aap se bola...

"Q naa uska peecha kiya jaye..!" uska dil usay bechain kr raha tha..!

"usay rok krr poocha jaye k kya hogya hy?" Wo bechaini me uth kr tehlny lga..! "Lekin wo 2 hafton se nzr bhi to nahin arahi.." Us k hont usky dill ki baat ko radd krty huy burbura uthy..!

Sary din ki thkawat ki waja se wo bujha hua tha..! us ne phone uthaya aur number mlata hua kmry k nukr me pary huy ek purany sofay pr beth gya..!

Tunnn tuunnnn..! Phone k bjny ki awaz arahi thi lekin hr dafa ki tarah is dafa bhi koi jawab nahi araha tha..!

Us ne phone wapis patkha aur iztrab me aa kr cigarette nikaal liya..! Ab uska zehn baghawat krny lga tha..! Wo musalsil beety huy us din k bary me soch raha tha jb Akhri baar wo mily thy aur us sy Akhri dafa baat hui thi..!

Wo musalsal uski baton pe hns rahi thi..! kuch bhi to ghalat ni tha..! naa kuch ghalat mehsoos horaha tha..! sb kuch theek se chal raha tha..! 

"Istanbul ly kr chlen gy?" Usny Pucha. 

Wo dheemy sy muskuraya "Kb chlo gi Meri Jaan?"

wo akrhri baar ki baten us k zehn me ghoom rahi thien aur wo ankhen bnd kiye huy cigarette waly hath k angoothy se apni peshani massal raha tha..!

"Wahan jaa kr mjhe Propose kren gy?" Zarish ne pyaar se Saarim k kandhy pe sir rakh liya tha..! Saarim ne us k ehsasaat ko ehmiyat dety huy us k sir ko chooma aur kaha "Shadi k baad sb kuch badal jata hy Zarish!"

"Bht zyada Badal jata" Zarish ne uska sath dete huy kaha.

"me nahi chahta k humara pyaar kisi bhi morr pe aa kar km ho..! Log akathy to hojaty hain shadi k baad lekin akathy hony ka asal maksad hi mrr jata hai..

...

Zarish bht ghour se sun'ny lg gai..! ab us ny Saarim k bazu pe grift mazboot kar li thi..! kandhy pe sir rakhy kuch soch rahi thi..! "Iska matlab hai ap nahi chahty k…!" Zarish ne Saarim se khaufzada lehjy me poocha..!

"Ni..! Me inkar ni kr raha Zari..! Lekin ikraar bhi ni kr raha..! Wakt lo abhi..! Abhi socho..! Khud se poocho..! K kya hmen akatha hona chahiye..!" Saarim uth kr us k samny aa kar beth gya tha..!

"Me bs apko khona ni chahti" Zarish ne baat kat'ty huy kaha..! shayed wo apny ansu chupa rahi thi..!

"Meri Kainat ho tum! Tum mujhy kisi surat nahi kho sakti..! Bs me chahta hu tum thora wakt lo aur socho! 

Is baar tm ne kaha hy to mene sochny ka keh diya..! Me waada karta hun.! Agli Martaba jb bhi kaho gi me haan kr du ga .!! sochny ka ni kahu ga..! "

Saarim ne uska chehra apny hathon me Thaam liya tha..!

Phone ki Awaaz ne Saarim ko ma'azi k khyalat se bahir nikaal kar uthny pe majboor kr diya tha.!

Us ne reciever uthaya "Hello" 

doosri taraf se aik masoom awaz aii thi Zarish ki Dost ki..!

Baat khtm kr k us ne bahir ka rukh kiya..! ek soch musalsil us pe taari thi ..! Kahin wo is baat pe to naraz ni hogai k mene inkaar kr diya tha..!

Lekin mene inkar to ni kiya tha ... bs sochny ko kaha tha..! Usay ab shiddat se ehsas horaha tha k wo bhi kisi qeemat pe khona ni chahta usay..!

Read More > Ayeney Ka Adha Rukh Episode 2
Post your valued feedback about this episode and story in comments...